Почитувани,
Ве информираме дека МАРнет пушти во употреба нова алатка наменета за техничка проверка на DNS параметрите, достапна на:
Покрај веб-интерфејсот за мануелна проверка, алатката нуди и API пристап, што овозможува регистраторите да ги автоматизираат проверките во рамките на своите сопствени системи за управување со домени.
Задолжителна ревизија на записите
Со цел прочистување на базата на податоци и обезбедување техничка прецизност на .mk зоната, се задолжуваат сите регистратори во рок од 10 (десет) дена да ги проверат и прочистат своите записи во однос на непотребното користење на IP адреси.
Клучни правила за конфигурација:
- Проверка пред промена: Пред секоја измена на именските опслужувачи, мора да се осигурате дека зоната е веќе активна на новите сервери. Неправилната конфигурација предизвикува DNS нестабилност.
- Употреба на Glue Records (IP адреси):
- Специфицирање на IP адреса во рамките на NS објектите е дозволено и потребно исклучиво кога именскиот опслужувач е поддомен на самиот домен за кој се користи (пр. за доменот firma.mk се користи ns1.firma.mk).
- Во сите останати случаи, каде што опслужувачот е надворешен (пр. ns1.provider.com), не смее да се внесуваат IP адреси.
Напомена: Секој запис кој не е во согласност со овие правила по истекот на предвидениот рок ќе се смета за технички неисправен. Ве молиме искористете ја новата алатка (tools.marnet.mk) за да ја верификувате исправноста на вашите записи.
